Në mbledhjen e jashtëzakonshme të Këshillit të Komunës së Çairit, të cilën e thirra për të definuar ndihmën tonë institucionale për vendet e goditura nga tërmeti i fuqishëm në Republikën e Shqipërisë, nga ana e të gjithë këshilltarëve të pranishëm njëzëri u miratua ky vendim:
– Komuna e Çairit ndan 720 000 denarë (12 000 euro) ndihmë finansiare për Republikën e Shqipërisë, gjegjësisht rajonin e prekur nga tërmeti.
Faleminderova këshilltarët që shumë shpejtë iu përgjigjën thirrjes dhe veç kësaj ndihme finansiare, sot po mbledhim edhe materiale të nevojshme të cilat gjatë ditës së sotme do ti nisim për në Durrës dhe rrethinën e saj, siç janë: batanije, medikamente, pako ushqimore, ujë, qumësht për foshnjet, mjete higjienike, pajisje dhe mjete për largimin e gërmadhave e tjera.
Poashtu, me të degjuar për mobilizimin tonë institucional, iniciativës sonë humanitare për të siguruar materiale ndihmëse iu bashkangjitën shumë kompani vendore si në vijim: Eftinija Impeks, Herba, Luto Komerc, Host MK, Bast Tuti Fruti, Bushi Resort dhe Ria Transfer Money. Shpresojmë që ky mobilizim të jetë motiv që edhe kompani tjera të kyçen dhe të ndihmojnë.
Bashkë në ndihmë të Shqipërisë!
