I burgosuri më i vjetër i Guantanamos është liruar në Pakistan, pas gati dy dekadash.
Paracha u dyshua për financimin e grupit xhihadist, por deklaroi se ishte i pafajshëm dhe nuk u akuzua kurrë.
” Saif Ullah Paracha, një shtetas pakistanez, i cili u ndalua në Gjirin e Guantanamos, është liruar dhe ka arritur në Pakistan. Ne jemi të kënaqur që një shtetas pakistanez i ndaluar jashtë vendit më në fund është ribashkuar me familjen e tij”, tha ministria e jashtme e Pakistanit.
75-vjeçari u kap në korrik të vitit 2003 në Tajlandë pas një operacioni të ashpër nga FBI-ja Amerikane [Byroja Federale e Hetimeve].
Ai u akuzua nga autoritetet amerikane se kishte kontakte me disa nga figurat më të larta të grupit, duke përfshirë udhëheqësin e tij Osama bin Laden dhe Khalid Sheikh Mohammed.
Sips BBC, pas 14 muajsh në një burg ushtarak amerikan në Bagram, Afganistan, ai u transferua në Guantanamo.
Presidenti i SHBA-së Joe Biden është nën presion për të “pastruar” të burgosurit e akuzuar për lidhje të drejtpërdrejta me Al-Kaedën.
Administrata e tij miratoi lirimin e Paracha vitin e kaluar, së bashku me atë të një shtetasi tjetër pakistanez, 55-vjeçarit Abdul Rabbani dhe jemenasit Uthman Abdul al-Rahim Uthman, 41 vjeç.
Janë ende 35 persona të mbajtur në Guantanamo, duke përfshirë Khalid Mohammedin, i quajtur si “arkitekti kryesor i sulmeve të 11 shtatorit”.
Avokati i 75-vjeçarit tha se ai pret që të lirohen më shumë të burgosur gjatë muajve të ardhshëm.
“Unë kam ende katër klientë atje [në Guantanamo], të cilët të gjithë janë liruar për lirim“, tha ai.
