Mediat turke raportuan të martën se mbrojtësi ndërkombëtar Ahmet Çalik ka humbur jetën në një aksident trafiku mëngjesin e sotëm.
Sipas ekipeve të shpëtimit, 27-vjeçari ka vdekur në vend pasi makina e tij ka rrëshqitur në qytetin Hacılar në lagjen Gölbaşı.
Ahmet Çalik e filloi karrierën e tij profesionale me Gençlerbirliği para se të vishte fanellat e Galatasaray-t, për tre sezone, pastaj Konyaspor.
Në lidhje me vdekjen e tij ka reaguar edhe sulmuesi kosovar, Vedat Muriqi. Ai u shpreh shumë i pikëlluar nga vdekja e ish bashkëlojtarit të tij.
“Më vjen shumë keq dhe nuk di çfarë të them. Jam i pikëlluar për humbjen e një shoku, kolegu dhe vëllai shumë të mirë, me të cilin kam luftuar për të njëjtën fanellë. U prehtë në qiell vëllai im, je gjithmonë në zemrat tona. Na vjen keq për humbjen tuaj”, shkruajti Muriqi.
Gerçekten çok üzgünüm ve ne diyeceğimi bilemiyorum. Beraber aynı forma için mücadele ettiğim, çok iyi bir arkadaş, dost ve kardeşi kaybetmenin üzüntüsünü yaşıyorum. Mekanın cennet olsun kardeşim, her zaman kalbimizdesin. Başımız sağolsun. pic.twitter.com/JQJRYiHhWD
— Vedat Muriqi (@MuriqiVedat) January 11, 2022