Vizita e kryeministrit të Bullgarisë në Maqedoninë e Veriut, Kirill Petkov mund të mos realizohet, pasi i njëjti sipas mediave bullgare duhet të qëndrojë në karantinë 10-ditore.
Karantina vjen ngaqë Petkov ishte në mbledhjen e Këshillit të sigurisë ku ishte i pranishëm edhe kryetari i Kuvendit të Bullgarisë, Nikolla Minçev i cili pas takimit nuk ndjehej mirë, bëri testin për Kovid-19 dhe rezultoi pozitiv.
Minçev dhe të gjithë të pranishmit, sipas asaj që shkruajnë mediat bullgare do të duhet të qëndrojnë në karantinë 10-ditore, deri më 21 janar, ndërkaq vizita e Petkovit në Shkup ishte paralajmëruar për më 18 janar.
Në paraqitjen para mediave pas përfundimit të mbledhjes, pjesëmarrësit mbanin maska, megjithatë mbetet të shihet se cili do të jetë vendimi i autoriteteve shëndetësore.
