Virusi Brata që mashtron njerëzit me anë të një SMS-je ka mbërritur në Itali duke synuar telefonat inteligjentë Android. Virusi malware është zbuluar për herë të parë në vitin 2019 nga ekspertët e sigurisë së Kaspersky dhe zbras llogaritë bankare duke hyrë në aplikacionet financiare të përdoruesve.
Qëllimi i virusit Brata është të marrë kodet e aksesit në llogaritë bankare të përdoruesve dhe të vjedhë fonde nga aplikacionet. Përdoruesit i dërgohet një mesazh mashtrimi, i cili duket se vjen nga banka juaj. Brenda tekstit ka një lidhje e cila, pasi të klikohet, të çon në një faqe që fillon instalimin e një aplikacioni të quajtur “Antispam”, “Device Security” ose “Advanced Security”.
Pas pranimit të kërkesave për instalim nga burime të panjohura, gjendeni në një faqe interneti , ku përdoruesi duhet të fusë kodet personale të llogarive të tij bankare. Në atë moment, virusi regjistron gjithçka dhe fillon të vjedhë rezervat ekonomike. Përveç dëmtimit, sapo financat zbrazen, virusi Brata detyron një reset të celularit. Si të shmangni mashtrimet në internet? Mënyra për të shmangur rënien në rrjetin e viruseve në internet të “llogarisë së zbrazët” është të ndiqni disa masa paraprake: shmangni hapjen e lidhjeve të marra përmes mesazheve dhe bisedës, edhe nëse me sa duket janë dërguar nga institucionet bankare, dhe mos instaloni aplikacione jashtë Play Store të Android
