Një zjarrfikës ka vdekur dhe dy janë plagosur pas një zjarri masiv në një fabrikë historike në Shën Petersburg.
Zjarri filloi rreth orës 12:30 të hënën më 12 prill dhe u përhap shpejt në të gjashtë katet e ndërtesës Nevskaya Manufaktura.
Era e fortë pengoi përpjekjet për të shuar flakët.
Ndërtesa daton që në vitin 1841, kur u përdor për prodhimin e pluhurave dhe është një pikë referimi në Shën Petersburg.
40 njerëz u evakuuan, ndërsa çatia dhe dyshemetë e ndërtesës u shembën, tha Ministria Ruse e Emergjencave.
Rreth 300 zjarrfikës morën pjesë në shuarjen e flakëve.
Nevskaya Manufaktura ndodhet në bregun e lumit Neva, i cili kalon përmes Shën Petersburg, qyteti i dytë më i madh i Rusisë.
Ajo u drejtua nga qeveria gjatë periudhës Sovjetike, më pas u privatizua në vitin 1992.
Disa pjesë të ndërtesës ishin ende duke u përdorur për të prodhuar pëlhura në vitet e fundit, ndërsa pjesë të tjera u morën me qira për hapësira zyre, sipas AFP.
Në 2001 fabrika u shtua në listën e vendeve historike dhe kulturore të Shën Petersburgut.
Shkaku i zjarrit është i panjohur, ndërsa autoritetet kanë filluar një hetim.
