Rojet bregdetare turke të hënën shpëtuan 54 azilkërkues në brigjet veriperëndimore të vendit, transmeton Anadolu Agency (AA).
Grupi i azilkërkuesve, të cilët po përpiqeshin të arrinin në ishullin Lesbos të Greqisë në Detin Egje, ishin nisur nga provinca Balikesir në Turqi.
Pasi u lokalizuan, azilkërkuesit u kthyen nga autoritetet bregdetare greke në ujërat turke.
Kur u informuan, Roja bregdetare turke u dërgua në zonë dhe shpëtoi të 54 azilkërkuesit.
Muajt e fundit janë regjistruar raporte të shumta të forcave greke që shtyjnë në mënyrë të paligjshme anijet e azilkërkuesve, duke rrezikuar ata.
Turqia ka qenë një pikë e rëndësishme transiti për azilkërkuesit që synojnë të kalojnë në Evropë për të filluar një jetë të re, veçanërisht ata që ikin nga lufta dhe persekutimi.
