Këshilltarët e DPMNE-së janë të interesuar vetëm për 500 euro paushall për seancë, ata janë pushtet në qytetin e Shkupit dhe në Këshill dhe janë fajtori kryesor që qyteti është nën bllokadë.
Kryetarja e qytetit të Shkupit, Danella Arsovska, në fjalimin e sotëm në Këshillin e Qytetit të Shkupit, theksoi se e vetmja gjë që u intereson këshilltarëve nga VMRO-DPMNE është paushalli prej 500 euro. Ajo ka treguar se këshilltarët e VMRO-DPMNE-së, në vend që të arsyetojnë besimin e qytetarëve dhe në Këshill për të votuar projektet dhe programet në interes të atyre që i kanë votuar, po e keqpërdorin foltoren për populizëm.
Kryebashkiaku po mundohet t’i realizojë projektet që u ka premtuar qytetarëve për dallim nga ju që vini këtu dhe përdorni këtë foltore për fjalime politike populiste, shkoni në bufe, rrini dy-tre orë, merrni paushallin prej 500 euro dhe shkoni në shtëpi. Ndaj të nderuar këshilltarë, nëse doni të flisni për dorëheqje, dorëzoni lirshëm ato, sepse jeni ju që po frenoni gjithë vitin që të mos ketë autobusë të rinj për qytetarët dhe po frenoni gjithçka që është në interes të qytetarëve dhe të realizoni premtimet e dhëna në zgjedhjet e fundit lokale, thotë Arsovska.
Që ironia të jetë edhe më e madhe, këshilltarët e VMRO-DPMNE-së, të cilët kërkuan mbështetje nga qytetarët me programin e Arsovskës, sot në Këshill po bëjnë gjithçka që ai të mos realizohet.
‘Ju kërkuat mbështetje për programin nga qytetarët, kryetari juaj Mickoski tha në media se ai program duhet të përkrahet. Madje ju dëgjuam të thoni se e keni bërë atë program, nëse e keni bërë atë program pse nuk e votoni? Nëse projektet në program janë tuajat, pse nuk i votoni, shtoi Arsovska.
Përgjegjësia për problemet me të cilat ballafaqohet Qyteti i Shkupit është vetëm i Grupit të këshilltarëve të VMRO-DPMNE-së, i cili ka shumicën në qytet dhe i bllokon të gjitha programet dhe projektet me interes për qytetarët.
Hipokrizia e dytë është se ju jeni shumicë në këshill dhe gjithçka që nuk funksionon në këtë qytet është përgjegjësia juaj, besoj se të gjithë e dinë këtë. Sot nuk keni votuar ndonjë program në sferën e komunikacionit në Qytetin e Shkupit, kështu që çdo gjë që ka të bëjë me zonën e komunikacionit në qytetin e Shkupit është ngecur, muaji prill tashmë ka ardhur. Sot nuk votuat një program për mbrojtjen e mjedisit, atëherë mos dilni të flisni për mbrojtjen e mjedisit se po bllokoni dhe nuk votoni një program mjedisor. Nuk i votoni aktivitetet në fushën e zhvillimit ekonomik lokal, nuk i votoni aktivitetet për bashkëpunim me shoqata dhe fondacionet, theksoi Arsovska.
Ironia më e madhe, siç theksoi kryetarja e qytetit të Shkupit, është fakti se të njëjtat programe për të cilat nuk votojnë sot këshilltarët e VMRO-DPMNE-së janë votuar në kohën kur kryetar ishte Koce Trajanovski nga radhët e VMRO-DPMNE-së ndërsa i votuan edhe kur VMRO-DPMNE ishte opozitë dhe kryetar komune ishte Petre Shilegov.
Nuk e di se si dhe në çfarë kushtesh këto programe nuk janë të pranueshme tani ndërsa ishin të pranueshme për dekada. Kur ishte kryetari juaj Koce Trajanovski, ky program ishte i mirë ndërsa tani jo. Kur ishte Shilegov kryetar komune, edhe pse ishit në opozitë, edhe atëherë ka qenë programi i mirë ndërsa tani jo. Si ka mundësi që i njëjti program me të njëjtat gjëra brenda me të njëjtat pika që duhen zbatuar atëherë e keni votuar pa problem, por tani jo, shtoi Arsovska.
Hipokrizia e VMRO-DPMNE-së nuk ka fund, theksoi Arsovska, sepse jo vetëm që këshilltarët nuk i votojnë programet, por nuk u sqarojnë qytetarëve pse e bëjnë këtë.
Dhe hipokrizia më e madhe është të mos votosh një program që është në interes të qytetarëve dhe të thuash që nuk është i mirë dhe nuk thua sa na kushton. A e dini pse? Sepse nëse thua se nuk kushton, do të thotë se nuk ka kushtuar as kur ishte kryetar Koce Trajanovski dhe kur ishte kryetar Petre Shilegov sepse është i njëjti program, përfundoi kryetarja e qytetit të Shkupit.
