Manchester Unitedi ka njoftuar se e ka përjashtuar yllin e vet Mason Greenwood nga stërvitjet dhe nga ndeshjet deri në një njoftim të radhës, pasi ai akuzohet për sulm ndaj një gruaje.
Akuzat – të cilat përfshijnë video, fotografi dhe audio që dyshohet se janë nga një bisedë e Greenwoodit dhe të dashurës së tij – u publikuan në Instagram të dielën në mëngjes.
Ajo janë fshirë pas pak kohësh.
Unitedi njoftoi përmes një komunikate për media: “Mason Greenwood nuk do të rikthehet në stërvitje e as nuk do të luajë ndeshje deri në njoftimin e radhës”.
Policia në Mançester ka thënë se është e vetëdijshme për videot dhe fotografinë që kanë qarkulluar nëpër rrjetet sociale.
Greenwood nuk ka reaguar ndaj akuzave.
Sulmuesi 20-vjeçar, i cili debutoi për Unitedin më 2019, nënshkroi marrëveshje katërvjeçare me klubin në shkurt 2021, pasi doli nga akademia e Unitedit.
