Ministria e Mbrojtjes në Moskë njoftoi këtë të premte se një avion luftarak rus bombardoi aksidentalisht qytetin e Belgorodit pranë kufirit me Ukrainën.
Guvernatori rajonal Vyacheslav Gladkov tha se shpërthimi kishte lënë një krater të madh rreth 20 metra në qendër të qytetit.
Tre persona u plagosën dhe disa ndërtesa u dëmtuan, tha ai. Një bllok apartamentesh u evakuua gjithashtu.
Ministria tha se bombardoi aksidentalisht qytetin pasi bombarduesi luftarak Su-34 lëshoi predhën në territorin rus.
Ministria e Mbrojtjes tha se bomba ra në orën 22:15 me orën lokale të enjten. Nga ana e autoriteteve ruse, nuk kishte asnjë shpjegim për bombardimin përveç përshkrimit si një “zbritje anormale e municioneve të aviacionit”.
Bomba ra në një kryqëzim të dy rrugëve jo shumë larg qendrës së qytetit dhe pranë ndërtesave të banimit.
Dy gra u dërguan në spital për trajtim dhe një bllok apartamentesh nëntëkatëshe u evakuua për shkak të dëmtimit strukturor të banesës
BBC shkruan se një hetim është duke u zhvilluar.
