Shtetrrethimi i vendosur në Angli në fillim të nëntorit mesa duket do të përfundojë në 2 dhjetor, ashtu siç ishte planifikuar, por kjo masë shtrënguese do të zëvendësohet me një skemë të përgjithshme të përforcuar me kufizime të pjesshme lokale.
Kryeministri Boris Johnson do të japë sot një konferencë për shtyp, ku do të njoftojë qytetarët për masat e reja lehtësuese. Dyqanet, palestrat dhe pub-et priten të rihapen kur të mbarojë shtetrrethimi.
Johnson do të shpjegojë kthimin e Anglisë në “sistemin me tri nivele”, kur shtetrrethimi të mbarojë në 2 dhjetor.
Thuhet se pub-et do të qëndrojnë të hapura deri në orën 22:00, por klientët që janë ende në lokal do të kenë një orë shtesë për të pirë atë që mund të kenë porositur. Në nivelin e dytë, vetëm ata që shërbejnë ushqim mund të hapen.
Masat e reja ndaj kësaj pandemie do ta shoqërojnë Mbretërinë e Bashkuar deri në periudhën e Krishtlindjeve./
