Në një tubim me qytetarët e komunës së Kisella Vodës, kandidati për president Stevo Pendarovski tha se është i bindur se pas zgjedhjeve të dyfishta do të ketë një strukturë politike të përbërë nga njerëz që e dinë se Maqedonia duhet të jetë pjesë e Evropës që të përparojë.
“Qytetarët e Maqedonisë e njohin opsionin e duhur për përparim për të gjithë ne që jetojmë në këtë vend. Ne, kjo strukturë politike, pjesë e së cilës jam prej 15 vitesh, e futëm Maqedoninë në NATO, që është akt i barabartë me referendumin për pavarësi. Nuk është punë e vogël që një vend me 1.8 milionë banorë të jetë në të njëjtën tavolinë me Amerikën, Gjermaninë, Francën, Kanadanë, me më të fuqishmit në botë dhe të ketë konsultime të përbashkëta gjatë çdo përpjekjeje për destabilizimin, gjatë çdo krize sigurie. “, theksoi Pendarovski.
Në fjalën e tij, Pendarovski iu referua edhe zhvillimeve të fundit rreth arrestimit të gazetarit Furkan Saliu, që sipas tij, vetëm sa tregon se në VMRO-DPMNE edhe sot nuk ka ndryshim.
“Ata po përgatiten nëse marrin pushtetin në 8 maj për të qeverisur sërish në të njëjtën mënyrë. Dje keni një rast me gazetarin Furkan Saliu, është e qartë se nuk ka shtet demokratik ku ju me një njësi speciale pesë me një, dhjetë me një të arrestoni një gazetar që ishte në detyrë. Dallimi mes nesh dhe tyre është i qartë, nuk kemi menduar kurrë të organizojmë një pushtim të dhunshëm të parlamentit. Pse? Për të parandaluar një kalim paqësor të pushtetit tek ata që kanë marrë besimin e qytetarëve. Asnjëherë nuk kemi menduar t’u diktojmë vendime kundërshtarëve tanë politikë përmes telefonit, as kryeministrit, as presidentit, askujt prej nesh. Nuk do të dëgjoni që dikush të ketë thënë që të hënën do të arrestohen, dhe të mërkurën duhet të marrin 8 apo 15 vjet burg, ata e kanë bërë dhe të njëjtit do ta bëjnë përsëri pas tetë majit, nëse janë në gjendje ta bëjnë atë. Në vend që t’i kërkojnë falje gjithë popullit maqedonas dhe qytetarëve maqedonas, ata thonë se do t’i amnistojmë dhunuesit që për pak sa nuk vranë disa kolegë tanë deputetë në Kuvend, ata po ofrojnë amnisti për ata njerëz”, theksoi Pendarovski.
Duke iu përgjigjur pyetjes së të pranishmëve, për të komentuar qëndrimin e Hristijan Mickoskit se nuk ka asgjë spektakolare që një politikan thotë se ai nuk ka vjedhur, Pendarovski u përgjigj se në VMRO-DPMNE ndershmëria është përjashtim, ndërsa krimi është rregull.
“Ajo deklaratë është normale për mua, por jo për atë (Mickoski) sepse unë nuk vjedh”, tha Pendarovski.
I pyetur për koment për programin e Gordana Siljanovska-Davkovës, Pendarovski tha se Gordana Siljanovska-Davkova ende nuk ka program.
“E dini ndryshimin midis programit tim dhe të saj?” Programi i saj është i padukshëm, nuk është. Nëse shkoni në faqen e saj dhe më tregoni nëse programi i saj është publikuar edhe pse kanë kaluar pesë ditë nga fushata. E imja është e publikuar dhe e dukshme, e saja është e padukshme”, u tha kandidati Pendarovski qytetarëve të Kisella Vodës.
