Sonte në Veles, kandidati për president Stevo Pendarovski i tha Siljanovskës që të zgjedhë se çfarë do të jetë, kryetare apo komandant suprem i Ushtrisë. Dhe tha se pa Marrëveshjen e Prespës nuk do të kishte anëtarësim në NATO.
“Pjesërisht është manipulim i qytetarëve tanë dhe nënvlerësim i inteligjencës së tyre, pjesërisht sepse nuk e dinë se çfarë thonë tani, çfarë kanë thënë më parë dhe çfarë kanë shkruar në program. 4 vite më parë, zonja deklaroi në një emision televiziv se nënshkruesit e Marrëveshjes së Prespës duhet të ndiqen penalisht, të mbajnë përgjegjësi penale. Dhe tani ju thoni se është mirë që jemi anëtarë të NATO-s. “Epo, zonjë, pa Prespën nuk ka NATO”, u përgjigj Pendarovski.
Lidhur me akuzat e Dragan Kovaçkit, Pendarovski tha se nuk mund t’i besohet atij që është gënjeshtar me vendim të gjykatës.
“Është shumë e vështirë t’i përgjigjesh një personi që së fundmi është akuzuar si gënjeshtar me vendim gjykate. Ka gënjyer për një haciendë ministrin e Mbrojtjes. Gjykata, jo unë apo ju, tha se ai po gënjen dhe nuk e pashë që pas një vendimi të tillë të gjykatës ai të kërkoj falje. Mirëpo, ju e dini dallimin mes nesh dhe atyre – njerëzit e tyre të parë për Mickoskin, jo vetëm për Siljanovskën, më ofendojnë mua personalisht. Më quajnë të poshtër, shërbëtor të dikujt, madje më thoshin edhe infantil. Dhe për t’iu rikthyer zotit Kovaçki – çfarë vlere ka fjala e një personi të rangut të lartë ushtarak që kërkoi certifikatë sigurie të NATO-s dhe iu refuzua. A e dini se kush refuzohet për certifikimin e NATO-s? Vetëm ata që punojnë kundër interesave të Maqedonisë”, u përgjigj Pendarovski.
