VMRO-DPMNE doli sot me informacione se Blloku 1 në REC Manastir është jashtë përdorimit që dje, edhe pse sipas tyre vetëm pak kohë më parë, Qeveria u mburr se të gjitha objektet prodhojnë energji elektrike.
Sipas partisë më të madhe opozitare, një nga tre blloqet e REK Manastir, pësoi një avari të rëndë sepse u shfrytëzua në maksimum që qeveria të organizonte ngjarje mediatike në favor të saj.
“Pas njoftimeve pompoze dhe të pavërtetave të shprehura nga LSD, për sukseset në sektorin e energjisë, Blloku 1 i REK Manastir është sërish jashtë rrjetit që nga data 23.01.2022, me gypa të prishur të kaldajave. Gjithashtu, vetëm për të bërë PR me gënjeshtra dhe mburrje, u shfrytëzua për një kohë të gjatë edhe pse ishte defekt në pjesën e kondensatorit, vetëm që përfaqësuesit e qeverisë të bënin foto. Sa dëm janë shkaktuar nga funksionimi i tillë i paligjshëm i turbinës dhekaldajës, do të shohim në periudhën e ardhshme”, thuhet në njoftimin e VMRO-DPMNE-së.
