Vonohet ndeshja në Turqi, tifozët hedhin lodra për fëmijët e goditur nga tërmeti
Ndeshja e BESIKTAS-it në Super Ligë kundër Antalyasporit u vonua pasi tifozët hodhën mijëra lodra në fushë për fëmijët e prekur nga tërmetet në Turqi dhe Siri.
Loja ishte në fillimet e saj kur tifozët e mbuluan fushën me pellushi dhe lodra.
Pankarta dhe flamuj qarkulluan gjithashtu rreth stadiumit Vodafone të Beshiktashit.
Besiktas tha në një deklaratë: “Tifozët tanë organizuan një ngjarje kuptimplote të quajtur ‘Kjo lodër është miku im’ gjatë ndeshjes për t’i dhënë moral fëmijëve të prekur nga tërmeti.
“Tifozët hodhën shalle, beretë dhe lodra prej pelushi për t’u bërë dhuratë fëmijëve në rajonin e tërmetit”.
Në një homazh shtesë, lojtarët e Besiktas u ngrohën me emrat e qyteteve jugore të prekura të vendit përpara se të mbahej një ceremoni para ndeshjes dhe tifozët duartrokitën oficerët e kërkim-shpëtimit të pranishëm në stadiumin Vodafone.
Mbrojtësi Tayyib Sanuc tha: “Ka gjëra më të rëndësishme se futbolli. Po kalojmë kohë të vështira si vend. Së bashku do t’i shërojmë plagët.
“Tifozët tanë mbajtën një ngjarje domethënëse, u preka shumë. Shpresoj që të mos përjetojmë më kurrë një fatkeqësi të tillë.”
Tërmeti shkatërrues ka prekur futbollin e Superligës, ku disa ndeshje janë anuluar apo shtyrë. https://youtu.be/_u9u6k0V4rM
